བོད་བཟོའི་གྱོན་ཆས་ལ་དམིགས་བསལ་གྱི་ཁྱད་ཆོས་ལྡན་ཡོད། བུད་མེད་ཀྱི་བོད་ཆས་མང་ཆེ་བ་སྣམ་བུའི་རྒྱུ་ཆ་དང་།འགོ་སྣམ་གྱི་རྒྱུ་ཆ།འགོ་སྣམ་གྱི་རྒྱུ་ཆ་བྱེད་པ་དང་།དབྱར་དུས་སུ་ཕུ་ཐུང་མི་འཁྱེར་བའི་བོད་ཆས་གྱོན་གྱི་ཡོད་ཅིང་།ནང་དུ་མེ་ཏོག་དང་།དམར་པོ།ལྗང་ཁུ་སོགས་ཚོན་མདངས་རྣམ་པར་བཀྲ་བའི་འོག་འཇུག་གྱོན་གྱི་ཡོད། དགུན་ཁའི་བུད་མེད་ཀྱི་ཕྱུ་པ་དེར་སྤྱིར་བཏང་ཕུ་ཐུང་ཡོད། སྐེད་པར་དམར་པོ་དང་།གངས་སྔོན།ལྗང་མདོག་ལ་སོགས་པའི་དར་གོས་ཀྱི་སྐེད་རགས། བོད་རིགས་བུད་མེད་པང་གདན་ལ་དགའ། པང་གདན་ལ་བོད་རྟེན་ཟེར་གྱི་ཡོད་རེད།དེ་ནི་བོད་རིགས་བུད་མེད་ཚོའི་བོད་ཆས་ཐོག་གི་དམིགས་བསལ་གྱི་མཚོན་རྟགས་ཤིག་རེད། པང་གདན་འཐག་སྟངས་དམིགས་བསལ་ཡིན་པ་དང་།བསླས་མ་ཞིབ་ཚགས་ཡིན་པ།མཛེས་པོ་ཡོད་པ།ཚོན་མདངས་བཀྲ་བ་བཅས་ཡོད། དེ་དང་ཆབས་ཅིག་བོད་ཆས་ནི་གནའ་བོའི་བབ་ཆགས་ལ་ཡ་རབས་ཀྱི་མཛེས་རྒྱན་ཞིག་ཡིན་པ་དང་།དེ་གར་སྟེགས་ཀྱི་གྱོན་ཆས་སུ་སྤྱོད་ཆོག་གི་ཡོད།

འདབ་པའི་གྲོང་གི་བོད་བཟོའི་སྡོད་ཁང་ལ་ཨར་སྐྲུན་ལག་རྩལ་དང་ཡང་ན་སྒྱུ་རྩལ་གྱི་ཕན་འབྲས་གང་གི་ཐད་ནས་བརྗོད་ཀྱང་ཚང་མར་ཡིད་དབང་འཕྲོག་ཤུགས་ཆེན་པོ་ལྡན་ཡོད། གྲོག་རོང་དང་།ནགས་ཚལ།རི་བོ་བཅས་སུ་འཐོར་བའི་གྲོང་ཚོ་ནི་འདབ་པའི་གྲོང་གི་མཛེས་ལྗོངས་ལམ་ཐིག་གཞན་ཞིག་རེད། གྲོང་མིའི་སྡོད་ཁང་དེ་དག་ནི་རི་བོ་དང་ཆུ་བོའི་གཡས་གཡོན་དུ་གནས་པ་དང་།གྲུབ་ཆ་དང་བཀོད་པ་ནི་རི་བོ་དང་བསྡུར་ན་འགྱུར་ལྡོག་ཆེ་བ་ཞིག་རེད།རྡོ་རྩིག་རྒྱག་པའི་བོད་ཀྱི་སྡོད་ཁང་ཡིན་ནའང་འདྲ།ཡང་ན་གུར་ནག་པོའམ་ཡང་ན་སྟབས་བདེའི་ནོར་གྱི་སྤྱིལ་བུའི་ཁང་པ་ཡིན་ནའང་འདྲ།དེས་རང་བྱུང་ཁམས་ཆེ་མོ་དང་ཞི་མཐུན་གྱི་མཛེས་པ་གང་ཡང་མངོན་གྱི་མེད། འདབ་པ་རྫོང་གི་རྙོག་འཛིང་ཆེ་བའི་ས་ཁམས་དང་ས་གཤིས་ཁོར་ཡུག་གིས་གྲོང་མིའི་སྡོད་ཁང་གི་ཨར་སྐྲུན་རྒྱུ་ཆ་དང་ཉམས་འགྱུར་མི་འདྲ་བ་གཏན་འཁེལ་བྱས་ཡོད་པ་དང་།སྐྲུན་མཁན་གྱིས་རྒྱུ་ཆ་རང་ས་ནས་བླངས་པའི་སྤྱང་གྲུང་དང་བློ་གྲོས་མངོན་པར་བྱས་ཡོད།གྲོང་མིའི་སྡོད་ཁང་གི་ཞོར་གཏོགས་མཛེས་རྒྱན་གྱིས་བདག་པོའི་དད་སེམས་དང་སྲོལ་རྒྱུན་མཚོན་ཡོད་ལ་དམིགས་བསལ་གྱི་ཨར་སྐྲུན་རྣམ་པ་ཞིག་ཀྱང་འཕེལ་རྒྱས་བཏང་ཡོད།

ཨ་ཞི་ཐུའུ་ཐའོ་ནི་མི་རིགས་ཀྱི་ཁྱད་ཆོས་ཟབ་མོ་ལྡན་པ་དང་།རིག་གནས་ཀྱི་ནང་དོན་ཕུན་སུམ་ཚོགས་པ།དངོས་སྤྱོད་རང་བཞིན་དང་ལྟད་མོའི་རང་བཞིན་ཤུགས་ཆེན་ལྡན་པའི་རྫ་ནག་སྣོད་ཆས་ཤིག་རེད། དེ་ནི་རྒྱལ་ཁབ་རིམ་པའི“མངོན་མིན་རིག་གནས་ཤུལ་བཞག”དང་དམིགས་བསལ་གྱི་བོད་རིགས་ལག་ཤེས་བཟོ་རྩལ་ཐོན་རྫས་ཤིག་ཡིན་ལ་འདབ་པའི་ཉི་བརྟེན་གྱི“ཕུལ་བྱུང་བཞིའི”གྲས་ཤིག་ཀྱང་ཡིན། ཏའོ་ཁྲེང་རྫོང་ཁྲི་ཐུའུ་ཤང་ལ་དམར་པོའི་བྲག་རྡོའི་བང་རིམ་ཧ་ཅང་རིང་པོ་ཞིག་ཡོད་ཅིང་།ཞང་གི་མིང་ལ་ཁྲི་ཐོག་ཟེར་གྱི་ཡོད། དེ་ནི་རྫ་ཆས་བཟོ་བའི་རྒྱུ་ཆ་ལེགས་པོ་ཞིག་ཡིན། ཉེ་འགྲམ་དུ་འཚོ་བ་སྐྱེལ་བཞིན་པའི་ཨ་ཤིས་གྲོང་མིས་གནའ་སྔ་མོ་ནས་བཟུང་ས་དེ་སྤྱད་དེ་རྫ་ཆས་བཟོས་པ་དང་ལོ་ངོ་སྟོང་ཕྲག་ཁ་ཤས་རིང་གི་འཕེལ་རྒྱས་རྒྱུན་འཛིན་བྱས་པ་བརྒྱུད་ཨ་ཤིས་སུ་ཕུན་སུམ་ཚོགས་ལ་དམིགས་བསལ་གྱི་རྫ་ཆས་བཟོ་བའི་ལག་རྩལ་ཆ་ཚང་ཞིག་ཆགས་ནས་མི་རབས་ནས་མི་རབས་བར་རྒྱུན་འཛིན་བྱེད་པའི་ལག་ཤེས་མཁས་པ་ཁག་གཅིག་ཐོན་ཡོད།